Projekti i Konektivitetit të Rrugëve Rajonale dhe Lokale shenjon një hap të rëndësishëm në dobi të qytetarëve.  Ai parashikon impakt në rritjen potenciale të aktiviteteve bujqësore dhe turisitike duke përmirësuar aksesin në zonat e përzgjedhura, si dhe forcim të kapaciteteve të bashkive për menaxhimin e aseteve të tyre rrugore.

I financuar prej Bankës Botërore dhe Qeverisë Shqiptare, ky projekt që arrin një kosto prej 50 milion USD dhe përbëhet nga tre komponenete kryesorë:

1. Punimet civile dhe iniciativat për sigurinë rrugore
2. Forcimi i kapaciteteve për NjQV-të
3. Menaxhimi gjatë zbatimit

Këto komponentë synojnë:

1. përmirësimin e aksesit, nëpërmjet rehabilitimit të rrugëve rajonale dhe lokale, brenda gjurmës ekzistuese, në bashkitë e përzgjedhura
2. përmirësimin e elementëve të qëndrueshmërisë ndaj ndryshimeve klimatike,
3. rritjen e sigurisë rrugore dhe vendosjen e trotuareve, korsi për bicikleta, gjelberim etj,
4. forcimin e kapaciteteve të Bashkive për menaxhimin dhe mirëmbajtjen e aseteve të tyre rrugore
5. mirëmbajtjen e sistemit të informimit gjeografik (GIS) dhe bazën e të dhënave prioritare për rrugët rajonale dhe lokale