Drejtori Ekzekutiv i Fondit Shqiptar të Zhvillimit, Benet Beci priti përfaqësues të shoqatës “Gjirokastra”, të cilët u njohën me paketën e investimeve që po ndërmerren në këtë bashki në kuadër të programit “Për Zhvillimin e Integruar Urban dhe Turistik”, që financohet nga qeveria shqiptare dhe Banka Botërore.

Drejtori Ekzekutiv, Benet Beci tha se takimi me përfaqësues dhe specialistë të nderuar të Gjirokastrës ishte një moment i veçantë për Fondin Shqiptar te Zhvillimit. Sipas Becit, takimi ishte i veçantë  ashtu si vetë ndërhyrja rivitalizuese qe po kryhet në këtë qytet, një nga pasuritë arkitektonike e kulturore të njerëzimit.

“Janë 15 milionë Euro që do të investohen në të gjithë qarkun e Gjirokastrës. Në qytet do të investohet për rekuperimin e krejt rrjetit inxhinierik në qendrën historike, për përforcimin e qëndrueshmërisë tektonike dhe restaurimin e godinave muzeale,” tha Beci.

Në emër të FSHZ, Drejtori Ekzekutiv falenderoi personalitetet për preokupimin qytetar, sugjerimet, përvojën e ofruar dhe rekomandimet me vlerë. Në emër të stafit, z. Beci i siguroi të pranishmit se kjo ndërhyrje inxhinierike në një nga sitet më të vlerësuar turistik, padyshim do jetë një standard i ri në punimet dhe mentalitetin investues.

“Ky investim do t’i shërbejë rritjes së fluksit turistik dhe zhvillimit  ekonomik e turistik të qytetit, rajonit e më gjerë,” theksoi ai.

On the other side, specialists and representatives of the association expressed their maximum gratitude for the investments carried in Gjirokastra. Such investments were long awaited by them.

“Për Zhvillimin e Integruar Urban dhe Turistik” që zbatohet nga Fondi Shqiptar i Zhvillimit financohet nga qeveria shqiptare me mbështetjen e Bankës Botërore. Paketat e investimeve në infrastrukturë dhe produkte turistike në zonën që përfshin bashkitë Gjirokastër, Përmet, Berat dhe Sarandë kapin shifrën e 63 milionë eurove.

Në Gjirokastër investimet fokusohen në restaurimin e kalldrëmeve, ndriçimin e Qafës së Pazarit dhe rehabilitimin e hapësirave urbane, përmirësimin i aksesit në kala, rivitalizim i rrugëve ndërlidhëse për të lehtësuar mobilitetin e qytetarëve dhe turistëve dhe sistemin e ri të muzeve sipas një koncepti të ri dhe bashkëkohor.

Si portë kryesore kufitare me Greqinë në Gjirokastër, kryqëzohen akse korridoresh kombëtarë të rëndësishëm, ç’ka e bën atë një pol të rëndësishëm ekonomik dhe turistik jugut.