Unë rri në shtëpi!

Në këto ditë kujdesi, vigjilence dhe durimi të shtuar le të takohemi këtu virtualisht, për të lexuar disa informacione interesante, mbi destinacione në vendin tonë.

A e dini se?

Liqeni i Shkodrës është liqeni më i madh në Gadishullin e Ballkanit. Ai shtrihet në kufirin ndërmjet Shqipërisë dhe Malit të Zi. Ekosistemi i liqenit dhe zonat ujore ushqejnë faunën dhe florën e pasur dhe unike, duke e shndërruar atë në një qendër të rëndësishme biodiversiteti në Evropë.

“Rikualifikimi i bregut perëndimor të liqenit të Shkodrës” është një ndër projektet më të fundit për të rikthyer në vëmendjen e qytetarëve këtë pasuri natyrore, ku pjesë e këtij projekti është dhe “Rikonstruksioni i Sheshit të Shirokës”.
Kjo do të mundësojë hapësirën e nevojshme, për të shijuar në vijim panoramën dhe për të ruajtur me aparat momente të bukura.