Zyra e Turizmit në bashkinë e Përmetit bën të ditur se numri i turistëve vendas e të huaj që kanë vizituar Përmetin nga janari deri në fund të tetorit është rreth 37 mijë, nga të cilët 15 mijë të huaj dhe 22 mijë vendas.

Fondi Shqiptar i Zhvillimit/ Albanian Development Fund  në mbështetje të turizmit, diversifikimit ofertës dhe nxjerrjes në pah të potencialit që ky qytet ka, po zhvillon punimet për projektin ‘Rigjenerimin e Integruar Urban’.

Ndërhyrja konsiston në:

  • Rigjenerimin Urban të Qendrës Historike,
  • Rehabilitimin e shpateve të kanalit të Përroit të Bardhë,
  • Rehabilitimin e hapësirave publike,
  • Zgjatimin e bulevardit dhe të rrugëve qendrore në qytet,
  • Sinjalistikën turistike dhe Interpretimin turistik.

Me këtë vëmendje në rritje nga ana e turistëve, përpos përfituesve direkt (rreth 50.000) banorë, ky investim synon të nxjerrë në ‘dritë të re, Përmetin e vjetër’ duke harmonizuar sferën tradicionale më atë moderne. Mos harrojmë se monumentet e natyrës të cilat e rrethojnë këtë vend (prej luginës së Vjosës, ujërave kuruese të Bënjës dhe Kanionet e Langaricës) plotësojnë akoma më shumë paketën turistike, duke e kthyer në një destinacionin për tu vizituar e qëndruar.

 

* Edit Durham për Përmetin: “…Me Gjelbërimin Pranveror dhe Njerëzit e Mrekullueshëm, m’u Duk Një nga Vendet më të Bukura të Botës”!