Tiranë- Projekti i furnizimit me ujë në zonat rurale në bashkinë Divjake ka si qëllim të përmirësojë furnizimin me ujë 24 orë dhe me cilësi, për 1312 abonentë në fshatin Grabian, bashkia Divjake në Qarkun e Fierit. Prej komunikimit të fundit, punimet kanë ecur me ritme mjaft të larta dhe brenda proceseve të planifikuara. Gjatë kësaj periudhe nga kontraktori ka punuar me shtresat brenda ne depon e ujit 1000 m3, ndërtimin e dhomës së klorinimit, vendosjen e pompave horizontale tek stacioni i pompimit dhe ndërtimin e pusetave shpërndarëse në rrjetin e brendshëm. 

100%
Deri më tani janë vendosur rreth 86 puseta shpërndarje për familjarët dhe puna ka vijuar në ndërtimin e pusetave në linjën e transmetimit dhe veshjen e mureve tek stacioni i pompave. Nga kontraktori kanë përfunduar 4 puset e ujit, lidhja e puseve me stacionin e pompimit, linja e transmetimit, si dhe janë bërë rrethimet tek depot 75 dhe 1000 m3. Përgjatë gjithë zbatimit të projektit janë ndjekur hap pas hapi dhe janë kryer të gjithë analizat e ujit, për të siguruar cilësinë.