Tiranë- Vijojnë punimet me ritme te mira në segmentin në jug të vendit. Pjesë e Strategjisë Vendore dhe Kombëtare, ky aks përbën një kalim të rëndësishëm për të gjithë turistët.

Deri më tani janë kryer rreth 31% e punimeve të parashikuara.

100%
Ka përfunduar betonimi i themeleve  të portalit të tombinos në km 8+920, si dhe vendosja e tubove në gjysmën e seksionit. Gjithashtu po vijohet me gërmimin me tarraca në segmentin 12+100 – 12+300 dhe betonimin e themelit të murit pritës, në segmentin nga km 8+855 deri në km 8+920.

Deri dje kjo rrugë me mundësi bujqësore e blegtorale ishte e degraduar, duke hequr aksesin dhe ulur të ardhurat në ekonominë lokale. Me rikonstruksionin e saj nga Tepelena në Borsh bëhet e mundur lidhja e luginës se Vjosës dhe Rrugës Gjirokastër – Levan me Bregdetin e Borshit. Agroturizëm për të risjellë në vëmendje dhe prezantuar të gjithë pasuritë natyrore të një zonë që po rizbulohet falë infrastrukturës.