Tiranë- Deri më tani ka përfunduar puna për betonimin e depos 200 m3 në Dvoran dhe depos në Kamenicë.
Jane realizuar 41 % e punimeve në këtë skemë, brenda standardit të kërkuar dhe me materiale të cilësisë së lartë.
Për këtë ujësjellës jane shtruar afro 8.5 km linja tubacionesh ose 85 % e totalit, si dhe 18 km rrjet shpërndarës, ose në total rreth 82 % e rrjetit shpërndarës.

Ka përfunduar betonimi dhe vazhdon mbushja me gurë dhe izolimi i kaptazheve të Saliajt dhe Zgërfella. Si dhe vijon puna me betonimin e gropës septike.
Gjithashtu ka filluar instalimi i lidhjeve të shtëpive, me rrjetin e furnizimit.
Kjo ndërhyrje në zbatim nga Fondi Shqiptar i Zhvillimit synon të furnizojë familjet e zonës me ujë të pijshëm pa ndërpreje dhe me cilësi, sipas udhëzimeve të BE-së.