TIRANË- Kjo zonë është në një distancë kohore 1 orë e 10 minuta larg kryeqytetit!
Gjeografikisht e pozicionuar midis bashkive Mat dhe Mirditë, Parku Rajonal i liqenit të Ulëzës ka një sipërfaqe prej 4,206 hektarësh dhe shtrihet nëpër të gjithë kurorën e liqenit të Ulëzës dhe Shkopetit, në një lartësi 400 m mbi nivelin e detit.

E pasur në bukuri natyrore, pyjet me shtigje për ecje, liqenin për lundrim, kullat e vjetra plot histori nga e kaluara dhe kishat, si dhe ushqimi tradicional me bazë peshku dhe prodhime bujqësore të zonës, Ulëza ka shumë për t’i ofruar turistëve përgjatë gjithë vitit.
Tashmë ate e vizitojnë edhe turistë që vijnë nga qytete të tjera të vendit, si dhe turistë të huaj nga Italia, Franca, Gjermania, Çekia e Polonia.